Federata e Futbollit të Kosovës (FFK), ka zgjedhur gjermanin Robert Schroder si gjyqtarin kryesor për finales së Kupës së Kosovës ndërmjet Prishtinës dhe Llapit.
Prishtina dhe Llapi, do të përballen të enjten prej orës 20:00 në stadiumin “Fadil Vokrri” në Prishtinë.
Kjo ndeshje është shumë e rëndësishme për të dyja skuadrat pasi fituesi i kësaj gare e siguron kualifikimin në kualifikimet e Ligës së Evropës për sezonin 2025/26.
Rëndësia e ndeshjes ka bërë që FFK-ja të zgjedh një gjyqtarë të huaj për ta ndarë drejtësinë në këtë përballje, e cila pritet të jetë tejet e fortë dhe inyteresante.
Gjyqtari nga Gjermania, Robert Schroder, së bashku me pesë gjyqtarët tjerë gjermanë do të jenë përgjegjës për ndarjen e drejtësisë në finalen e Kupës së Kosovës.
Schroder është një emër relativisht i njohur si gjyqtar, pasi ka ndarë drejtësinë në 13=të ndeshje ndërkombëtare gjatë karrierës së tij.
Ndërkohë, këtë sezon ka referuar edhe katër ndeshje në Bundesligë, pasi ka qenë i lënduar pothuajse gjatë gjithë sezonit 2024/25.
