Sulmuesi i krahut, Arbër Hoxha pritet të largohet këtë muaj nga skuadra e Dinamo Zagrebit.
Hoxha që edhe është pjesë e Kombëtares së Shqipërisë, pritet që karrierën ta vazhdoj në kampionatin e Italisë.
Në fakt, mësohet se është skuadra e Lecces që tashmë ka bërë ofertë për Hoxhën, të cilin fillimisht e ka refuzuar Dinamo.
Te Dinamo, janë të interesuar ta shesin Hoxhën dhe ditëve në vijim pritet të ketë zhvillime tjera për të ardhmen e 26-vjeçarit.
Krahas Lecces, interesim për Hoxhën kanë treguar edhe shumë skuadra tjera të ligave evropiane.
Hoxha i është bashkuar Dinamos para një viti nga Slaven Bellupo për 1 milion euro dhe me gjigantin kroat ka kontratë deri në verën e vitit 2027.
Këtë sezon, Hoxha ka 2 gola e 1 asistim në kampionatin kroat, ku ka regjistruar 16 paraqitje.
