Lëvizja Vetëvendosje ka zyrtarizuar Arban Abrashin kandidat për kryetar të Prizrenit në zgjedhjet lokale të 12 tetorit.
Zyrtarizimi i Abrashit i cili është edhe deputet është bërë të shtunën ku i pranishëm ishte dhe kryeministri në detyrë dhe kryetari i LVV-së, Albin Kurti.
“Prizrenit i duhet një udhëheqje e re, me vullnet të fortë për punë, zhvillim dhe barazi për të gjithë qytetarët. Prizrenit i duhet një kryetar i ri, që punon fort e nuk qëndron vetëm duke u ankuar. Artan Abrashi është kandidati ynë për kryetar të Komunës së Prizrenit. Ai është i duhuri për qytetin e Lidhjes”, thuhet nga Lëvizja Vetëvendosje.
Në garë për Prizrenin janë dhe Shaqir Totaj i PDK-së, kryetar aktual e Driton Selmanaj nga LDK.
