Arabia Saudite ka miratuar 224 milionë rialë sauditë (59.7 milionë dollarë) në financimin buxhetor për qeverinë e njohur ndërkombëtarisht të Jemenit, mes betejave të ashpra me grupin Huthi.
Në një postim në X, ambasadori saudit në Jemen, Mohammed al-Xhabir, tha se granti buxhetor ishte kërkuar nga qeveria e Jemenit.
Fondet do të ndihmojnë “në përmirësimin e rregullsisë së flukseve financiare qeveritare, do të mbështesin efikasitetin e politikës fiskale dhe do të kontribuojnë në forcimin e fuqisë blerëse të qytetarit jemenas”, tha al-Xhabir.
