Arabia Saudite e ka dënuar me ashpërsinë më të madhe sulmin me dron të Iranit që goditi ambasadën amerikane në kryeqytetin saudit, Riad.
“Sjellja brutale iraniane… do ta shtyjë rajonin drejt përshkallëzimit të mëtejshëm”, tha Ministria e Jashtme Saudite në një deklaratë, e cila përsëriti të drejtën e kombit për të mbrojtur territoret dhe interesat saudite, duke përfshirë “mundësinë e reagimit ndaj agresionit”.
Ministria saudite e Mbrojtjes tha se ambasada amerikane u sulmua nga dy dronë herët të martën.
Pamjet e transmetuara nga kanali satelitor i lajmeve Al Arabiya, në pronësi të Arabisë Saudite, treguan dëme nga zjarri në një pjesë të çatisë së Ambasadës Amerikane në Riad pas sulmit me dron.
