Arabia Saudite ka dënuar sygjerimin e kryeministrit izraelit Benjamin Netanyahu që toka e mbretërisë të përdoret për të krijuar një shtet palestinez.
Në një deklaratë të dielën, Ministria e Jashtme e Arabisë Saudite akuzoi Netanyahun se po përpiqet të “largoj vëmendjen” nga “krimet” e vazhdueshme të Izraelit në Gaza, duke përfshirë “spastrimin etnik”, raporton Al Jazeera.
“Mbretëria pohon se populli palestinez ka të drejtë për tokën e tij dhe ata nuk janë të huaj apo emigrantë në të, të cilët mund të dëbohen sa herë që pushtimi brutal izraelit dëshiron”, tha Ministria e Jashtme.
Të enjten, Netanyahu iu përgjigj një intervistuesi në Channel 14 të Izraelit, i cili foli gabim duke thënë “shtet saudit” në vend të “shtet palestinez”.
“Sauditët mund të krijojnë një shtet palestinez në Arabinë Saudite; ata kanë shumë tokë atje”, tha Netanyahu.
Shkëmbimi tërhoqi reagime të zemëruara nga shtetet arabe , duke përfshirë Katarin, Jordaninë, Egjiptin, Emiratet e Bashkuara Arabe, Kuvajtin dhe Irakun, si dhe Këshillin e Bashkëpunimit të Gjirit (GCC).
“Këto deklarata të rrezikshme dhe të papërgjegjshme konfirmojnë qasjen e forcave okupuese izraelite në mosrespektimin e ligjeve dhe traktateve ndërkombëtare dhe të OKB-së dhe sovranitetit të shteteve,” tha Sekretari i Përgjithshëm i GCC, Jasem Mohamed Albudaiwi.
Ministria e Jashtme e Arabisë Saudite falënderoi “vendet vëllazërore” për denoncimin e komenteve të Netanyahut.
#Statement | The Kingdom of Saudi Arabia appreciates the condemnation, disapproval and total rejection announced by the brotherly countries towards what Benjamin Netanyahu stated regarding the displacement of the Palestinian people from their land and the Kingdom values the… pic.twitter.com/ebj2sVHx4w
— Foreign Ministry 🇸🇦 (@KSAmofaEN) February 9, 2025
