Eventi i lansimit do të transmetohet në faqen e internetit të Apple. Apple ka mbajtur evente virtuale të lansimit të para-regjistruara që nga fillimi i pandemisë së COVID-19 në vitin 2020. Apple po fton gjithashtu njerëzit të shikojnë lansimin në kampusin e saj në Cupertino, Kaliforni, transmeton Telegrafi.
Apple gjithashtu mund të prezantojë modelet e reja të Apple Watch dhe AirPod në këtë event. Kompania thuhet se po përgatit gjithashtu modele të reja të Mac dhe iPad, por ato ndonjëherë shpallen në një ngjarje të veçantë të tetorit.
Apple pritet të lansojë katër modele të reja të iPhone që ka gjasa të quhen iPhone 14. Pajisjet e reja do të kenë kamera të përmirësuara dhe versionet më të shtrenjta të iPhone 14 Pro mund të kenë një prerje më të vogël në formë pilule në pjesën e sipërme të ekranit të pajisjes kundrejt “notch”-it që kanë iPhone-ët aktualë dhe thuhet se do të përfshijnë ekrane gjithmonë të ndezura.
Analistët do të vëzhgojnë nga afër çmimet e linjës së re të Apple për të parë nëse kompania ka rritur çmimet gjatë pasigurisë së zinxhirit të furnizimit dhe inflacionit të lartë.
