Autori: Adea Mustafaj
Janë dëmet që lanë pas vërshimet e janarit.
Në këtë formë, e pësuan banorët e fshatrave të Malishevës nga reshjet e fundit atmosferike.
E për vlerësimin e këtyre dëmeve, aplikime deri të mërkurën po presin në Komunën e Malishevës.
Kjo meqë nga dita e enjte, komision komunal do të dal në terren për vlerësimin e dëmeve.
E numri i qytetarëve që aplikuan deri më tani, ka shkuar në 230.
“Dëmët shumë të mëdha janë në infrastrukturë. Në rrugë, në ura dhe diga në liqenin Mirushëm. Pastaj janë dëmet në ekonomit familjare dhe gjithashtu në biznese. Pas infrastrukturës vin ekonomit familjare sepse deri më tani kërkesë për vlersim të dëmetëve kanë bërë 230 qytetar deri në ditën e sotme.”, ka thënë Paçarizi.
Sipas Paçarizit, komuna nuk posedon fonde emergjente.
Për këtë, syte i kanë nga niveli qendror.
“Ne presim që fillimisht të reagoj Qeveria për kompensim sepse komunat nuk kanë fonde emergjente. Fond emergjent kanë vetëm niveli qendror dhe komunat nuk kanë dhe kjo është një problematik në vete që duhet të diskutohet në të ardhmen. Por për momentin komuna prêt nga Qeveria të reagoj dhe më pas të shikoj komuna çka mundet me bo.”, u shpreh tutje Paçarizi.
Ndërsa në komunën e Mitrovicës afati i aplikimit do të mbetet i hapur deri me 26 janar.
“Aktualisht jemi në fazën e vlerësimit të dëmeve. Do të thotë komisioni janë duke përcjell të gjitha shtëpit të cilat kanë pësuar nga vërshimet. Një kohësisht është edhe afati i hapur për aplikim për të gjithë ata që kanë pësu dëmtime… Numri duket të jetë më i madh se sa, aq sa kem mujt ne me i evidentu si të prekur.”, ka thënë Haliti
Pos këtyre dy komunave, aplikimi për dëme mbetet i hapur edhe në komunën e Drenasit, Rahovecit, Vushtrrisë, Klinë dhe Suharekës.
