Është anuluar konkursi për Kryeshef të Ndërmarrjes “Trepça”, për shkak të mungesës së, siç thuhet procesit konkurrues, raporton teve1.info
Sipas vendimit të publikuar në medie, në konkurs nuk kanë aplikuar 4 veta të cilët i plotësojnë kushtet e konkurrimit, siç parashihet me Kodin e Etikës dhe Qeverisjes Korporative për Ndërmarrjet Publike.
Lidhur me këtë vendim ka reaguar Sindikata e Trepçës.
Destan Kërleshi nga kjo sindikatë tha për teve1.info se kjo është strategji e menaxhmentit që të mos përmirësohet gjendja në Trepçë.
“Ne e kemi parapa që kjo ka qenë strategjia e Bordit vetëm sa për të fituar në kohë sepse nuk po dëshirojnë në përmirësimin e gjendjes që është në Trepçë”, tha ai.
Minatorët e Trepçës kishin mbajtur grevë rreth dy javë në muajin tetor.
