Gjykata Speciale ka njoftuar se sipas urdhrit të tretë të lëshuar, janë anuluar seancat e planifikuara për muajin gusht në rastin Thaçi dhe të tjerët për veprën penale kundër administrimit të drejtësisë.
Seancat sipas njoftimit kanë qenë të planifikuara të mbahen më 17-19 gusht.
“Gjykatësi i Vetëm i ngarkuar me gjykimin e çështjes anuloi seancat e planifikuara më parë për datat 17–19 gusht 2026, si edhe afatet që ishin caktuar në Urdhrin e Dytë për Caktimin e Datave. Gjykatësi gjithashtu urdhëroi ZPS-në që të dorëzojë mocion për paraqitjen e kundërprovave deri më 4 gusht 2026 në orën 12:00. Në qoftë se nuk do të paraqitet mocion, faza e paraqitjes së provave do të mbyllet dhe gjykatësi planifikon të caktojë këto afate për palët: 24 gusht 2026, deri në orën 16:00 – për dosjet gjyqësore përfundimtare, në qoftë se do të paraqesin; 4 shtator 2026 – për dosjet e kundërpërgjigjeve, në qoftë se do të paraqesin; dhe 10, 11 dhe 14 shtator 2026 – për argumentet përmbyllëse. Vendimi vjen pasi Mbrojtja e Smakajt, më 30 korrik 2026, dorëzoi një njoftim sipas Rregullës 131, me të cilin bëri të ditur se nuk do të paraqiste prova në këtë fazë të procedurës. Në të njëjtën kohë, gjykatësi urdhëroi Zyrën e Prokurorit të Specializuar (ZPS) që deri më 4 gusht 2026, në orën 12:00, të dorëzojë një mocion nëse synon të paraqesë kundërprova. Në rast se ZPS nuk paraqet një mocion të tillë, faza e administrimit të provave do të konsiderohet e mbyllur dhe do të hyjë në fazën përfundimtare të procesit. Sipas urdhrit, në këtë rast parashikohen këto afate procedurale: 24 gusht 2026, deri në orën 16:00 – dorëzimi i dosjeve gjyqësore përfundimtare, nëse palët vendosin t’i paraqesin; 4 shtator 2026 – dorëzimi i kundërpërgjigjeve, nëse do të ketë të tilla; 10, 11 dhe 14 shtator 2026 – mbajtja e seancave për paraqitjen e argumenteve përmbyllëse”, shkruhet në njoftimin e Gjykatës Speciale.
