Skuadrat që dalin në “skenë” për Anis Mehmetin nuk kanë fund. Tashmë është mësuar se Toulouse është ekipi i radhës që ka kthyer sytë nga shqiptari.
Sulmuesi po shkëlqen me Bristol City në Championship dhe fakti që ende mes palëve mundon një marrëveshje për rinovimn, ka bërë që ekipe të tjera të “vërsulen” për të siguruar shërbimet e tij. Një kalim i mundshëm në Ligue 1 padiksutim do të ishte një hap i rëndësishëm për futbollistin e Kombëtarës shqiptare.
Te francezët do të kishte shansi ideal për të provuar veten në një kampionat më të fortëq dhe më pas për të tentuar një tjetër hap në të ardhmen. Madje fakti që Toulouse ka një drejtor shqiptar në klub, Viktor Bezhanin e bën edhe më të mundshme këtë lëvizje.
Nuk duhet të harrojmë se skuadra franceze ka të njëjtët pronarë me Milan, RedBird dhe kjo mund tq jetë një tjetër mundësi për Mehmetin, ku siç dihet te Milan gjithçka është në dorën e Igli Tares.
Një skenar fantastik për 25-vjeçarin, i cili fillimisht mund të provonte shansin e tij në Ligue 1, për të tentuar më pas edhe Milan, për shkak edhe të bashkëpunimit që kanë klubet mes tyre.
