Këtë deklaratë ajo e bëri duke komentuar draft-Strategjinë e Sigurisë për Kosovën 2022-2027 e cila është miratuar sot në Kuvendin e Kosovës.
Ajo tha se Strategjia e Sigurisë Kombëtare e një vendi nuk guxon të lidhet ngushtë me agjendën e një partie politike.
“Strategjia Kombëtare e një vendi nuk guxon të lidhet ngushtë me agjenden e një partie politike. Vetëvendosje deri tash duke qeverisur nuk ka dhënë asnjë version se si do të duket sektori i sigurisë në të ardhmen dhe në këtë aspekt nuk ka ndonjë vizion apo program qeverisës se si do të duket sektori i sigurisë kombëtare nën qeverisjen e Vetëvendosjes”, tha ajo.
Anëtarja e Kryesisë së PDK-së tutje theksoi procedurat e draftimit të strategjisë së sigurisë së miratuar sot në Kuvend nuk kanë qenë transparente dhe gjithëpërfshirëse.
“Kjo strategji nuk e ka marrë parasysh memorien institucionale që nga pavarësie a e tutje, nuk i ka përditësuar informatat si duhet, nuk ka qenë proces transparent, gjithëpërfshirës i cili përfshinë jo vetëm institucionet të cilat direkt dhe jo direkt lidhen me sektorin e sigurisë por natyrisht duhet përfshirë edhe shoqëria civile, ekspertët e fushës, partnerët strategjik gjatë draftimit”, deklaroi Kabashi.
Sipas saj Strategjia Kombëtare e Sigurisë duhet të jetë një dokument strategjik i nivelit më të lartë i cili jep vizione për 10 vitet e ardhshme të një vendi se si do të duket sektori i sigurisë.
Ndërkohë me 60 vota për, një abstenim dhe asnjë kundër nga 84 deputetë sa ishin të pranishëm në sallë sot është miratuar në lexim të parë draft-Strategjia e Sigurisë për Kosovën 2022-2027 e propozuar nga Qeveria e Kosovës./Teve1.info/
