Ai duke folur për punën 1 vjeçare të Ramës në emisionin “Ditari” në Tëvë1, tha se një vjeçari i parë ka qenë vit i testimeve.
“Ka qenë një vit i testimeve, mbase qëllimi ka qenë i mirë, por kanë dalë të dështuara. Testimet dhe mbyllja e disa rrugëve vetëm sa krijoi kolona më të mëdha e kaos në kryeqytet të cilat edhe ashtu kanë qenë”, ka thënë Azemi.
Ai ka thënë se Përparim Rama nuk është transparentë dhe nuk jep përgjigje për temat kryesore.
Madje, ai ka thënë se kjo e bënë atë të ngjashëm me ish-presidentin e Kosovës Hashim Thaçi.
“Edhe kur merr pjesë në seanca nuk përgjigjet në çështjet e rëndësishme. Njëjtë ka vepruar edhe me çështjen e Ndërmarrjes Publike Banesore. E ka një aftësi të njëjtë me Hashim Thaçin sepse të dytë t’i shmangin përgjigjet e rëndësishme dhe problemet kryesore dhe s’janë marrë fare me to. Të mos flasësh për problemet kryesore tregon se ose ke frikë nga çarqe të caktuara të ndërtimit në Prishtinë që definitivisht kanë edhe lidhje mafioze, mirëpo si kryetar i kryeqytetit do duhet të merrte përgjegjësi”, ka thënë Azemi.
Ai ka kritikuar qeverisjen LDK-PDK në kryeqytet edhe për mos shpenzim të buxhetit në investime kapitale.
