Asamblisti i Vetëvendosjes, Arianit Beqiri dhe anëtari tjetër i kësaj partie Çlirim Gërbeshi, ja liruar pasi mbrëmë janë ndaluar nga Policia e Kosovës.
Ata janë ndaluar pasi kishin refuzuar të paguanin për të hyrë në hapësirën ku po transmetohen ndeshjet e kampionatit evropian.
“Rroftë hapësira publike,poshtë Përparim Rama. Sheshet duhet të jenë pa pagesë. Sheshet duhet të jenë për qytetarët. Sot, për ta parë ndeshjen e Kombëtares, në shesh, duhej të paguheshin 20 euro.
Ne protestuam kundër kësaj. U arrestuam, tash u liruam. Hapësira Publike do të mbrohet gjithmonë, në çdo mënyrë, me çdo kusht”, ka shkruar ai.
Ndërsa, Policia e Kosovës ka bërë të ditur se shoqërimi i tyre në stacion policor ka ndodhur për mos zbatim të urdhrave policor dhe dyshim për prishje të rendit dhe qetësisë publike.
Dy persona janë shoqëruar në stacionin policor për mos zbatim të urdhrave të policit dhe dyshimit për prishje të rendit dhe qetësisë publike.
