Anëtarët e rinj të Komisionit Qendror të Zgjedhjeve (KQZ), të propozuar nga partitë politike të përfaqësuara në Kuvendin e Kosovës, kanë dhënë sot betimin para Presidentes së Republikës së Kosovës, Vjosa Osmani.
Në ceremoninë e organizuar në Presidencë, anëtarët e rinj u zotuan se do të ushtrojnë funksionin e tyre me ndershmëri, besnikëri, paanësi, profesionalizëm dhe përgjegjësi të lartë.
Lajmi është bërë i ditur përmes një njoftimi të publikuar në faqen zyrtare të Presidencës në Facebook. Ceremonia shënon zyrtarizimin e përbërjes së re të KQZ-së, institucion kyç në organizimin e zgjedhjeve në vend.
