Ministri në detyrë për Punë, Familje dhe Vlerat e Luftës Çlirimtare, Andin Hoti, tha para nisjes së seancës konstituive të Kuvendit, tha se pret që sot të konstituohet paralamenti, pa probleme, dhe deputetët të bëjnë betimin, duke theksuar përgjegjësinë që buron nga mandati i tyre.
“Sot do të konstituohet Kuvendi dhe ne do të betohemi si deputetë. Me këtë rast, uroj të gjithë deputetët, sidomos ata që janë zgjedhur për herë të parë. Uroj që secili ta lexojë mirë betimin që do ta japë, sepse ai nënkupton se do të marrin përgjegjësi për formimin e institucioneve, në këtë rast të Qeverisë dhe presidentes”, tha Hoti.
I pyetur nga gazetarët nëse Albulena Haxhiu do të jetë sërish emri i propozuar për kryetare të Kuvendit, Hoti tha se nuk ka informacion.
“Këtë nuk e di. Nuk e di, për besë nuk e di”, u shpreh ai.
