Është vetëm çështje kohe tani kur Carlo Ancelotti të marrë detyrën si trajner i ri i Brazilit, pas thashethemeve dhe konfirmimit zyrtar nga vetë trajneri italian. Ai do ta përfundojë sezonin aktual me Real Madridin, pas të cilit do të mbledhë valixhet dhe do të fillojë punën në ekipin e Seleçaos.
Lidhur me stafin që do të ketë Ancelotti, bie në sy një lëvizje interesante. Në fakt, siç zbuloi CNN Brasil, “Carletto” po mendon të integrojë Ricardo Kakàn në ekipin e tij teknik, për të pasur një njeri të besuar në krah të tij, duke pasur parasysh “ndarjen” e mundshme nga djali i tij Davide, i cili mund të ndjekë rrugën e tij si trajner diku tjetër.
Një ribashkim i zemrave kuqezi. Sepse Ancelotti dhe Kaká kanë jetuar më shumë se një karrierë futbolli së bashku: e para kur 65-vjeçari italian stërviste ish-mesfushorin sulmues brazilian te Milani, pastaj rikthimi i tyre së bashku te Real Madridi.
Të dy kanë ndarë shumë fitore dhe trofe së bashku, lidhja dhe dashuria kanë qenë gjithmonë aty dhe vetë “Fëmija i Artë” e demonstroi këtë së fundmi në rrjetet sociale kur u publikua njoftimi për “Carletto”-n në stolin e Brazilit:
“Mirë se vini, Ancelotti! Zoti ju bekoftë”. Ndërkohë, për të parë debutimin e Carlo Ancelottit si trajner i ri i Brazilit, do të duhet të presim ndeshjen e parë të kombëtares braziliane në kualifikueset e Kupës së Botës 2026, më 5 qershor kundër Ekuadorit. Ndeshja e radhës, më 10 qershor, do të jetë Paraguaji.
