Ancelotti u paraqit në gjykatën në Madrid i veshur me një nga kostumet e zakonshme. Ai ka thënë se ka besim në sistemin e drejtësisë spanjolle
Trajneri i Real Madridit, Carlo Ancelotti, është paraqitur në gjykatë të mërkurën për nisjen e gjyqit ndaj tij për evazion fiskal.
Prokurorët spanjollë kanë akuzuar trajnerin e suksesshëm italian për mashtrim të shtetit për 1 milion euro në vitet 2014 e 2015, shkruan AP.
Prokurorët e shtetit po kërkojnë burgim deri në katër vjet e nëntë muaj për dy akuzat për mashtrim tatimor.
Ata akuzuan Ancelottin në mars të vitit 2024 se nuk kishte paraqitur të ardhurat reale. Prokurorët pretendojnë, ndër të tjera, që Ancelotti përdori një kompani të cilës i mungonte aktiviteti real në Ishujt e Virgjër si pjesë të një skeme.
Ancelotti ka mohuar çdo akuzë.
Ai u paraqit në gjykatën në Madrid i veshur me një nga kostumet e zakonshme. Ai ka thënë se ka besim në sistemin e drejtësisë spanjolle.
