Analistët politik nuk shprehen optimist për një marrëveshje për një president konsensual, mes Lëvizjes Vetëvendosje dhe Lidhjes Demokratike.
Të hënën bëhen një javë nga takimi i fundit mes kryeministrit në detyrë dhe kryetarit të LVV-së, Albin Kurti dhe kryetarit të LDK-së, Lumir Abixhiku, ku u dhanë sinjale pozitive dhe u paralajmëruar një takim tjetër pas diskutimeve të brendshme.
Avokati Visar Rrecaj thotë se nuk do të ketë marrëveshje, marrë parasysh sipas tij praktikat e kaluara.
“Nuk do të ketë marrëveshje, do të jemi dëshmitar. Uroj të ketë, por unë jam pesimistë dhe nuk pres, marrë parasysh praktikën e të bërit politikë të këtyre lojërave, ngërçeve dhe aplikimit për së mbrapshti të dispozitave, rregullave kushtetuese”, ka thënë ai në emisionin “InfoNata” në Tëvë1.
Për, analistin Ardian Bytyqi, Kurti ka shprehur vullnet për një president konsensual, por sipas tij, LDK nuk është unike në kërkesat e saj, duke theksuar qëndrimet e disa deputetëve të kësaj partie që janë shprehu kundër bashkëpunimit me LVV-në.
“Kërkesat e LVV-së dhe LDK janë përtej kërkesave të qytetarëve sepse Kosova nuk ka diskonim me majtë zgjedhje”, ka thënë ai.
Kryeministri në detyrë dhe kryetari i LVV-së, Albin Kurti dhe ai i LDK-së, Lumir Abdixhiku e vlerësuan konstruktiv takimin e zhvilluar më 18 gusht për presidentin, ku siç thanë ata është shprehur vullnet që të arrihet një marrëveshje.
Pas takimit u tha se çështjet e diskutuara do të shqyrtohen brenda partive dhe të ketë një takim tjetër.
Që nga ajo ditë nuk ka pas asnjë njoftim publik nga LVV e LDK se janë mbledhur për të disktuar për këtë çështje.
