E shqetësimit të Kurtit, po i jep të drejtë njohësi i çështjeve të sigurisë, Bedri Elezi.
Ai për tëvë1 thotë se sistemi i drejtësisë nuk po shihet më si mbrojtje ndaj qytetarëve.
Ndërsa analisti, Tomorr Avdia deklarimin e Kurtit po e sheh si metaforë, pasi ky i fundit u votua për pozitën dhe përgjegjësitë që ka si kryeministër.
Më tutje Avdia shton se qeveria duhet të bëjë reforma emergjente në drejtësi.
“Qeveria dhe kryeministri kanë për detyrë që të gjitha hapat duhet t’i marrin dhe të shpëtojnë reformën në drejtësi duke marrë parasysh edhe emergjencën që ka ky sektor për vendin. Dhe atë çfarë kjo qeveri ka propaganduar me të madhe, pra reformën e vetingut, për të cilën drejtësia e Kosovës vuan tash e sa vite”, tha ai.
Deklarimi i kryeministrit Kurti erdhi veçanërisht pas rastit të fundit të vrasjes së 35 vjeçares shtatzënë nga ish-bashkëshorti i saj në hapësirën e QKUK-së. Rast i cili, ngriti në këmbë të gjithë opinion e vendit, pasi e njëjta kishte urdhër-mbrojtje aktive.
Kronika e realizuar nga gazetarja Albiona Hajdari.
