Agjencia e Menaxhimit Emergjent ka njoftuar se gjatë ditës së hënë janë raportuar gjithsej 41 vatra-raste të zjarrit, prej të cilave aktualisht aktive janë 14.
Sipas AME-së, bazuar në të dhënat e pranuara zjarret aktive janë në komunën e Mitrovicës, Skënderajt, Ferizajt, Istogut, Podujevës, Pejës dhe Gjakovës.
“Njësitë Profesionale të dhe Shpëtimit Zjarrfikjesjanë përgjigjur në vazhdimësi çdo situate dhe janë në terren me kapacitete të plota, të mbështetura nga Policia e Kosovës, vullnetarë, qytetarë dhe strukturat e nivelit lokal”, thuhet në njoftim.
Po ashtu bëhet e ditur se nga vlerësimi dhe analizimi i situatës vërehet një ulje e intensitetit të rasteve të zjarrit, krahasuar me ditën paraprake.
“Agjencia falënderon edhe njëherë të gjithë zjarrfikësit, strukturat e sigurisë dhe qytetarët për ndihmën dhe bashkëpunimin e vazhdueshëm. Agjencia për Menaxhimin e Emergjencave u bën thirrje qytetarëve që të mos ndezin zjarre, të raportojnë menjëherë çdo vatër zjarri apo person të dyshuar për zjarrvënje”, theksohet në njoftim.
