Ambasadorja e SHBA-së në Ukrainë do të japë dorëheqjen nga posti i saj pas më pak se një viti në këtë detyrë, tha departamenti i shtetit, mes një ndërprerjeje të përpjekjeve të ndërmjetësuara nga SHBA-ja për të arritur një armëpushim dhe për t’i dhënë fund pushtimit rus.
Julie Davis ishte frustruar me presidentin Donald Trump për mungesën e mbështetjes së tij për Ukrainën, raportoi Financial Times, duke cituar burime të paidentifikuara.
Departamenti i Shtetit mohoi të kishte pasur ndonjë mosmarrëveshje të tillë dhe tha se ajo po tërhiqej, shkruan Guardian.
Trump ka ushtruar presion mbi Kievin që të arrijë një marrëveshje paqeje me Rusinë, duke thënë se vendi mund të lëshojë territor për të siguruar një marrëveshje.
Presidenti deri më tani nuk ka arritur ta çojë luftën në një përfundim përmes bisedimeve për armëpushim, të cilat tani kanë ngecur kryesisht pasi Uashingtoni e ka përqendruar vëmendjen e tij në luftën e Iranit.
Davis, zyrtarja më e lartë e ambasadës amerikane, është e ngarkuara me punë, por jo një ambasadore e konfirmuar nga Senati. Ajo ka shërbyer gjithashtu si ambasadore e SHBA-së në Qipro që nga viti 2023, duke kryer një rol të dyfishtë gjatë kohës së saj në Kiev.
Ajo u emërua nga administrata Trump në maj të vitit të kaluar, pasi paraardhësja e saj, diplomatja e karrierës Bridget Brink, dha dorëheqjen.
