Ministri i Mbrojtjes, Armend Mehaj ka pritur sot në takim amsadorin e ri të Turqisë, Tunç Angili, me ç’rast ndër të tjerash u diskutua për marrëdhëniet mes të dyja vendeve.
Ministri Mehaj shprehu mirënjohje për ndihmën dhe kontributin e dhënë Kosovës nga populli dhe shteti turk, përcjell teve1.info
Teksa, ambasadori turk falënderoi Mehajn për mbështetje nga ana e FSK-së, pas tërmetit që përfshiu vendin javë më parë.
“Gjithashtu, Ministri Mehaj i shprehu ngushëllime ambasadorit turk për të gjitha viktimat nga tërmeti shkatërrues që goditi Turqinë, me ç’rast ambasadori Angili falënderoi Ministrin Mehaj për mbështetjen e pakursyer të dhënë nga ana e FSK-së në operacionet e kërkim-shpëtimit në zonat e prekura nga ky tërmet”, bëhet e ditur në njoftimin e Ministrisë së Mbrojtjes.
Në këtë takim po ashtu u bisedua edhe për mundësitë e zgjerimit të mëtejmë të bashkëpunimit bilateral, veçanërisht në fushën e mbrojtjes dhe sigurisë. /Teve1.info/
