Të shtunën u publikua kjo fotografi që nxiti shumë komente në opinionin publik.
Aty shihet duke darkuar Ambasadori i Serbisë në Shtetet e Bashkuara të Amerikës, Marko Gjuriq me ish-nënkryetarin e Listës Serbe, Milan Radojiçiq.
Ky i fundi është i kërkuar nga Interpoli, pasi që e morri përgjegjësinë për sulmin terrorist ndaj policisë së Kosovës më 24 shtator.
E fakti që Radojciq është i kërkuar nga Interpolit dhe i sanksionuar nga Shteteve e Bashkuara të Amerikës, nuk po i pengon Marko Gjuriqit.
Madje, ambasadori serb ka reaguar për këtë foto duke thënë se nuk do t’i kërkoj falje Kurtit dhe Sveçles.
“Do të isha i zhgënjyer nëse nuk do të niste një fushatë negative me rastin e rikthimit tim. Edhe nëse është goxha e varfër. Nuk kam ndërmend t’i kërkoj falje Kurtit dhe Sveçlës apo boteve të tyre dhe njerëzve të tjerë keqdashës për asgjë. Nuk i kam fshehur dhe as nuk i kam turpëruar asnjëherë kontaktet publike që kam në punën që bëj. Përveç përfaqësuesve të ndryshëm serbë me të cilët kam kontakte të rregullta dhe më pëlqen të takohem edhe sot e kësaj dite, jam takuar shumë herë, në kuadër të punës sime, edhe me udhëheqës të shumtë shqiptarë, të cilët janë të akuzuar nga drejtësia vendase dhe ndërkombëtare për luftë të papërshkrueshme e krime kundër popullit tim”, tha ai.
Lidhur më këtë foto ka reaguar në platformën X edhe Kryetarja e Lëvizjes Evropiane të Serbëve të Kosovës, Rada Trajkoviq, e cila tha se kjo fotografi mund të jetë publikuar nga rrethi i ngushtë i Gjuriqit.
“Marko, pa qëllim të keq dhe diskutim se kush është në këtë fotografi, por atë ka mundur ta shkrepë dikush nga rrethi i juaj dhe ta publikoj. Është e qartë se ju po shqetësoni dikë dhe se ai po përpiqet t’ju diskreditojë”, ka thënë Trajkoviq.
Kurse, politikani tjetër serb, Nikola Sanduloviq, i ka ngritur pyetje faktorit ndërkombëtar për këtë çështje.
“A mundeni ju, Miroslav Lajçak, Josep Borrell, Richard Grenell e Gabriel Escobar të përshkruani këtë foto? A keni thënë ju ambasador Hill se Serbia kurrë nuk ka pasur ambasador më të mirë në SHBA sesa Marko Gjuriqin? Ambasadori serb në SHBA, Gjuriq, që pritet të bëhet kryeministër i ardhshëm i Serbisë, është parë duke darkuar me të kërkuarin nga Interpoli dhe ta sanksionuarin nga SHBA-ja, Milan Radoiçiq, një bashkëpunëtor i ngushtë i presidentit të Serbisë, Aleksandar Vuçiq, i cili ishte prapa sulmit në Banjskë ku mbeti i vrarë një polic i Kosovë”, ka thënë ajo.
Marko Gjuriq është përfolur se mund të jetë kryeministri i ardhshëm i Serbisë.
