Ambasadori i Francës në Kosovë, Olivier Guerot, për zgjedhjet lokale në katër komunat e veriut të Kosovës, ka thënë se me kaq pak votues nuk kontribuojnë në një zgjidhje politike.
Guerot, ka shprehur keqardhje për mungesën e pjesëmarrjes së disa partive politike, por që si pikë pozitive e ka parë profesionalizmin që e ka treguar Policia e Kosovës, KFOR-i dhe EULEX-i.
Ndërkaq, ambasadori francez ka kërkuar që tani të zbatohet marrëveshja e Ohrit, e cila është arritur mes Kosovës dhe Serbisë më 18 mars.
”Zgjedhjet me kaq pak votues nuk kontribuojnë në një zgjidhje politike. Na vjen keq për mungesën e pjesëmarrjes nga disa parti. Pika pozitive: profesionalizmi i policisë së Kosovës, Kfor / EULEX. Tani duhet të zbatojmë marrëveshjen e Ohrit”, ka shkruar ai në Twitter.
Cette élection avec si peu d’électeurs n’apporte pas de solution politique. Nous regrettons l’absence de participation de certains partis. Point positif : professionnalisme de la police🇽🇰+Kfor/Eulex. Il faut maintenant appliquer l‘accord d‘Ohrid.
— Ambassadeur Olivier Guerot (@Olivier_Guerot) April 23, 2023
Sipas KQZ-së, në Leposaviq zgjedhjet i ka fituar Lëvizja Vetëvendosje me 73.5%, në Zubin Potok ka fituar Partia Demokratike e Kosovës me 52.1%, në Zveçan ka fituar PDK-ja me 60% dhe në Mitrovicë të Veriut ka fituar LVV-ja me 66.5%. /teve1.info/
