Ambasadori i Britanisë së Madhe në Kosovë, Jonathan Hargreaves ka thënë se bllokada politike në Kosovë po e dëmton vendin.
Ai kështu ka shkruar në një postim në Facebook ku ka njoftuar se ka zhvilluar takim me kryetarin e Aleancës për Ardhmërinë e Kosovës, Ramush Haradinaj.
“Bllokada politike në Kosovë po e dëmton vendin. Sot u takova me kreun e AAK-së, Ramush Haradinaj, për të shkëmbyer mendime rreth nevojës për veprim vendimtar sapo të shpallet vendimi i Gjykatës Kushtetuese, si dhe për rëndësinë e mbajtjes së zgjedhjeve komunale gjithëpërfshirëse në tetor”, ka shkruar ai.
Ndërsa,Haradinaj ka thënë se në takim kanë diskutuar mbi zhvillimet aktuale politike.
“Shpreha shqetësimin për nevojën urgjente të tejkalimit të bllokadës institucionale, e cila duhet të zhbllokohet pas datës 8 gusht, kur presim qartësi nga Gjykata Kushtetuese. Funksionimi i institucioneve është thelbësor për stabilitetin demokratik dhe orientimin euroatlantik të vendit”, ka shkruar Haradinaj ndër të tjera.
