Ambasadori amerikan në Izrael, Mike Huckabee e ka përshkruar dhunën e kolonëve izraelit ndaj palestinezëve në Bregun Perëndimor të pushtuar si terrorizëm .
Huckabee tha për Neës Nation me qendër në SHBA të mërkurën se “edhe izraelitët mund të bëjnë akte terroriste gjithashtu” megjithëse ai arsyetoi se kemi të bëjmë me një grup të vogël të “të rinjve të zemëruar dhe të pakënaqur.”
Diplomati amerikan ka konfirmuar se ka një eskalim në dhunën e kolonëve izraelitë ndaj civilëve palestinezë.
Më shumë se 1,076 palestinezë janë vrarë dhe 10,700 të tjerë janë plagosur në sulmet e ushtrisë dhe kolonëve të paligjshëm në territorin e pushtuar që nga tetori i vitit 2023. Gjithashtu janë arrestuar më shumë se 20,500 persona, shkruan Anadolu.
Sipas Komisionit të Kolonizimit dhe Rezistencës ndaj Murit, kolonët e paligjshëm izraelitë kanë kryer 7,154 sulme kundër palestinezëve dhe pronave të tyre në Bregun Perëndimor gjatë së njëjtës periudhë.
