Ambasada e Gjermanisë në Kosovë, së bashku me ambasadorin gjerman Rainer Rudolph dhe ambasadoren e Izraelit në Kosovë, Tamar Ziv, kanë përkujtuar më shumë se një milion viktima që u vranë në Aushvic, mes tyre burra, gra dhe fëmijë hebrenj, si dhe shumë grupe të tjera të dënuara nga regjimi nazist.
Në ditën kur shënohet përvjetori i çlirimit të kampit famëkeq të përqendrimit Aushvic, i cili në vitin 1945 u çlirua nga Ushtria e Kuqe, duke zbuluar përmasat e paimagjinueshme të krimeve të kryera nga Gjermania naziste, ambasada thekson dëshmitë e heshtura të vuajtjes dhe persekutimit nazist.
Valixhet e ekspozuara sot në Muzeun e Aushvic-Birkenaut janë dëshmi të heshtura të vuajtjes dhe persekutimit nazist, duke treguar historinë e mijëra njerëzve që kaluan portat e kampit pa u kthyer më, thuhet në reagimin e Ambasadës.
