Ambasada e Gjermanisë në Kosovë u ka bërë thirrje të gjithë spektrit politikë dhe institucioneve të Kosovës që të respektojnë pavarësinë e Gjykatës Kushtetuese.
Në një komunikatë për media, ambasada ka theksuar rëndësinë e pavarësisë gjyqësore si një gur themel i sundimit të ligjit.
Ndërkohë, ditë më parë Gjykata Kushtetuese vendosi masë të përkohshme pas kërkesës së Listës Serbe për mbrojtje të kushtetutshmërisë, përmes së cilës ua ndalon deputetëve të ndërmarrin veprime si dhe ndalon zhvillimin e ndonjë procedure për formimin e Qeverisë së re të Kosovës nga 5 shtatori deri më 30 shtator.
“Ambasada Gjermane në Prishtina thekson rëndësinë e pavarësisë gjyqësore si një gur themeli i sundimit të ligjit. Ne u bëjmë thirrje të gjithë aktorëve politikë dhe institucioneve në Kosovë që të respektojnë pavarësinë e Gjykatës Kushtetuese dhe të gjithë gjyqësorit dhe të përmbahen nga çdo ndërhyrje, përfshirë sulmet personale”, thuhet në deklaratën e Ambasadës së Gjermanisë.
Masa e re e përkohshme e vendosur nga Gjykata Kushtetuese ka ngjallur reagime të shumta, sidomos nga partia që doli e para në zgjedhje, Lëvizja Vetëvendosje./teve1.info/
