Ambasada e Francës në Kosovë ka mirëpritur konstituimin e Kuvendit të Kosovës dhe krijimin e Qeverisë së re, duke riafirmuar mbështetjen e saj për institucionet e vendit.
Në një reagim zyrtar, Franca ka theksuar se mbetet e përkushtuar për të thelluar bashkëpunimin me Kosovën, në funksion të forcimit të stabilitetit, qeverisjes demokratike dhe zhvillimit të qëndrueshëm.
“Ne riafrimojmë angazhimin tonë për të vazhduar dhe forcuar bashkëpunimin me institucionet kosovare në shërbim të stabilitetit, qeverisjes demokratike dhe zhvillimit të vendit. Do të vazhdojmë të mbështesim dialogun Prishtinë-Beograd të lehtësuar nga BE-ja dhe zbatimin e marrëveshjeve të Brukselit dhe Ohrit”, thuhet në njoftim.
