Ambasada britanike në Kosovë i ka cilësuar të gabuara raportimet se Mbretëria e Bashkuar i ka bërë thirrje qytetarëve të saj që t’i shmangin udhëtimet në veri të Kosovës.
Përmes një postimi në “X”, Ambasada e Mbretërisë së Bashkuar në Kosovë ka thënë se “nuk ka *asnjë ndryshim* në zonën gjeografike kundër së cilës ne këshillojmë kundër të gjithave, por udhëtimet thelbësore dhe raportimet e mediave përndryshe janë të gabuara”.
Last week 🇬🇧 gov’t made a minor adjustment to our previous travel advice to make the information provided clearer and more accessible.
There is *no change* to the geographic area against which we advise against all but essential travel and media reporting otherwise are mistaken
— UK in Kosovo 🇬🇧 (@UKinKosovo) September 5, 2024
Gjatë ditës së sotme ka pasur raportime se Mbretëria e Bashkuar ka paralajmëruar rreziqe në veri, si dhe u kërkon qytetarëve të saj të shmangin udhëtimet në veri.
Mediat janë bazuar në një njoftim të lëshuar nga zyra e jashtme e Mbretërisë së Bashkuar, FCDO.
FCDO ka raportuar se e ka vendosur veriun e Kosovës në pjesën e vendeve dhe destinacioneve ku nuk rekomandohet të udhëtohet nëse nuk është e domosdoshme.
“FCDO këshillon që të mos udhëtohet në komunat e Zveçanit, Zubin Potokut dhe Leposaviqit dhe në zonat e Mitrovicës në veri të lumit Ibër, përveç rasteve të domosdoshme. Kjo për shkak të incidenteve të dhunshme dhe tensioneve të shtuara në këto zona”, thuhet në njoftim.
