Ambasada e Mbretërisë së Bashkuar në Kosovë e ka cilësuar si hap të rëndësishëm në rrugëtimin ndërkombëtar të Kosovës njohjen nga Sudani.
Duke uruar për këtë njohje nga ambasada kanë thënë se ky është një moment krenarie.
“Njohja më e fundit e Pavarësisë së Kosovës erdhi nga Sudani – moment krenarie dhe një hap përpara në rrugëtimin ndërkombëtar të Kosovës. Urime”, thuhet në postimin e ambasadës britanike në Facebook.
Presidentja Vjosa Osmani ka njoftuar të shtunën se shteti i Sudanit ka vendosur ta njohë Kosovën si të pavarur.
E njohja nga ky shtet u konfirmua ende pa u bërë një muaj që nga njohja prej shtetit të Kenias.
