Ambasada amerikane në Prishtinë, ka përmbledhur vizitën e emisarit special të ShBA-së për Ballkanin Perëndimor, Gabriel Escobar.
Teksa kanë treguar për takimet dhe qëllimin e vizitës së Escobar në Kosovë, ata kanë shkruar se synim ishte mbështetja për t’i çuar përpara disa çështje urgjente, përcjell teve1.info.
“Ambasada e SHBA-së në Prishtinë mirëpriti Zëvendësndihmës Sekretarin Gabriel Escobar për një vizitë në Kosovë këtë javë, ku u takua me liderët kosovarë, opozitën, shoqërinë civile dhe përfaqësues të mediave për t’i dhënë mbështetje çuarjes përpara të disa çështjeve urgjente”, thuhet në postimin e Ambasadës.
Po ashtu, kanë përmendur edhe zotimin e Escobar se përkundër “sfidave në marrëdhëniet dypalëshe”, mbështetja e ShBA-së për Kosovën është e palëkundur.
“Siç theksoi Zëvendësndihmës Sekretari Escobar, përderisa kemi disa sfida në marrëdhëniet tona dypalëshe aktualisht, mbështetja jonë për popullin e Kosovës është e palëkundur”, thuhet në përfundim të postimit./teve1.info/.
