Ambasada e Shteteve të Bashkuara të Amerikës në Prishtinë ka bërë të ditur se kanë përfunduar përgatitjet për festimin e 250-vjetorit të Pavarësisë së SHBA-së, ngjarje që do të mbahet këtë mbrëmje së bashku me miqtë dhe partnerët nga Kosova.
Përmes një postimi në rrjetet sociale, ambasada ka ndarë atmosferën nga përgatitjet, duke shprehur entuziazmin për këtë jubile të rëndësishëm.
“Të ngazëllyer për të ndarë përgatitjet e vazhdueshme ndërsa bëhemi gati për të festuar 250 vjet pavarësi amerikane këtë mbrëmje me miqtë tanë kosovarë”, thuhet në njoftimin e Ambasadës së SHBA-së në Prishtinë.
Festimi shënon një moment simbolik të miqësisë dhe partneritetit të ngushtë ndërmjet Shteteve të Bashkuara dhe Kosovës.
