Kjo ambasadë ka dënuar fuqishëm dhunën ndaj policëve të Kosovës.
“Ambasada e SHBA është thellësisht e shqetësuar nga raportimet për të shtëna me armë dhe me hedhje të gurëve ndaj zyrtarëve policorë të Kosovës afër Zubin Potokut. Këto sulme ndodhën kur autoritetet sovrane përgjegjëse për ruajtjen e paqes dhe sigurisë po kryenin detyrat e tyre zyrtare. Ne e dënojmë fuqishëm këtë dhunë të papranueshme, të pajustifikueshme”, thuhet në reagimin e tyre.
Sipas ambasadës amerikane, zyrtarët e zbatimit të ligjit janë përgjegjës për hetimin e situatës.
“Zyrtarët e zbatimit të ligjit janë përgjegjës për hetimin e situatës. Ne tërheqim vërejtjen kundër spekulimeve që do të rrisin tensionet dhe do të dënojmë çdo përpjekje për të penguar këtë punë thelbësore”, thuhet më tej në reagim. /teve1.info/
