Trajneri i Real Madridit, Xabi Alonso, ka komentuar humbjen 0-1 ndaj Liverpoolit në Anfield, në ndeshjen e katërt të fazës së grupeve të Ligës së Kampionëve.
Alonso tha se skuadra e tij luftoi mirë, por i mungoi saktësia përpara portës.
“Loja ishte e fortë dhe me ritëm të lartë. Na mungoi një avantazh në të tretën e fundit, gjithçka u vendos nga detajet,” deklaroi trajneri spanjoll.
Ai shtoi se Real Madridi pati vështirësi në mesfushë, ku nuk arriti të krijonte rrezik ndaj një Liverpooli që mbrohej thellë. “Ishte e vështirë të hynim në zonë dhe të krijonim raste të pastra,” tha Alonso.
Trajneri foli edhe për ndryshimet taktike gjatë ndeshjes, duke përmendur rolin e Camavingës dhe Arda Gülerit, si dhe për atmosferën në Anfield.
Alonso vlerësoi portierin Thibaut Courtois për pritjet vendimtare, duke theksuar se “Tibu ishte shumë i mirë dhe na mbajti në lojë”.
Ndërkohë, Real Madridi mori edhe një lajm të keq nga kjo ndeshje. Federico Valverde pësoi një dëmtim muskulor dhe u detyrua të largohej në minutat e fundit, duke shkaktuar shqetësim te stafi madrilen.
