Nënsekretarja amerikane e Shtetit, Elizabeth Allen, gjatë vizitës së saj në Kosovë është takuar me kryeministrin Albin Kurti.
Allen ka thënë se në takim me Kurtin kanë pasur diskutim gjithëpërfshirës.
Ndërkohë, që përmes një postimi në X, ajo ka shkruar se ShBA kërkon zbatimin e plotë të të gjitha marrëveshjeve që kanë bërë Kosova dhe Serbia sa i përket dialogut.
“Vlerësoj diskutimin gjithëpërfshirës me kryeministrin e Kosovës, Albin Kurti. Kosova bën pjesë në BE dhe në NATO. Ne kërkojmë zbatimin e plotë të të gjitha marrëveshjeve që kanë bërë Kosova dhe Serbia në kuadër të Dialogut të lehtësuar nga BE-ja”, ka shkruar ajo.
Appreciated the insightful discussion with Kosovan Prime Minister @AlbinKurti. Kosovo belongs in the EU and in NATO. We look for full implementation of all agreements Kosovo and Serbia have made under the EU-facilitated Dialogue. pic.twitter.com/gfHr0RQvh5
— Liz Allen (@UnderSecPD) May 19, 2024
Mëngjesin e sotëm, Allen është takuar me presidenten Vjosa Osmani, ku kanë bërë nënshkrimin e marrëveshjes mes Kosovës dhe ShBA-së kundër manipulimit të informacionit nga shtetet e huaja.
Në kuadër të takimit me Osmanin, ajo tha se ishte një takim produktiv sa i përket dezinformimit, mbështetjes së shoqërisë civile dhe angazhimit multilateral./teve1.info/
