Trajneri i Milanit, Massimiliano Allegri, ka lavdëruar dy përforcimet e reja të kësaj vere, mesfushorët Luka Modriq dhe Ardon Jasharin.
Milani u përball me Leeds Unitedin në miqësoren që përfundoi 1:1 të shtunën në Repulbikën e Irlandës, derisa Jashari debutoi me ekipin italian.
Jashari, ditë më parë u transferua te Milani nga Brugge për 37 milionë euro, ku luajti minutat e para për skuadrën e re në Dublin.
Mesfushori shqiptar formoi treshen e mesfushës së bashku me Yunus Musah dhe 17-vjeçarin Emanuele Sala.
Ndërkohë, Modriq nuk u aktivizua fare dhe miqësoren me Leedsin e përcolli nga stoli.
Duke folur për “Sky Sport Italia”, Allegri u shpreh i impresionuar nga Jashari, sidomos duke marrë parasysh se pjesën më të madhe të përgatitjeve verore e kishte kaluar duke u stërvitur individualisht te Club Brugge.
“Jashari më mahniti me mënyrën si ia doli, edhe pse nuk kishte punuar shumë me topin dhe pothuajse gjithmonë stërvitej vetëm”, tha Allegri.
Jashari me Milanin ka kontratë deri në vitin 2030.
