Ministri i Infrastrukturës, Liburn Aliu ka treguar se 46 fluturime ardhje-shkurje janë realizuar me sukses në aeroportin “Adem Jashari” në Prishtinë, ndërsa 12 janë anuluar në ardhje.
Ai ka thënë se fluturimet me pilotë të certifikuar kanë aterruar me sukses, kurse fluturimet pa certifikimin e nevojshëm janë anuluar ose siç tha ai janë devijuar.
“Aeroporti i Prishtinës është në shërbim gjatë tërë kohës, pasi ka të instaluar dhe funksional sistemin e avancuar të aterrimit ILS CAT IIIb, i cili mundëson aterrime edhe në kushte të mjegullës së dendur, deri në dukshmëri minimale prej 50 metrash”, ka shkruar ai në Facebook./teve.info/
