Ai ka thënë se ministria është duke bërë Hartat e Rrezikshmërisë nga Përmbytjet dhe Thatësira që situatat e vërshimeve mos të përsëriten.
“Ministria është duke bërë Hartat e Rrezikshmërisë nga Përmbytjet dhe hartimin e Planeve për Menaxhimin e Rrezikut nga Përmbytjet dhe Thatësira, në mënyrë që në situata të tilla të jemi shumë më të përgatitur, dhe të përmirësojmë kapacitetet parandaluese dhe reaguese për situata të ngjashme”, ka shkruar Aliu në Facebook.
Ai për të hënën ka paralajmëruar vizita në disa komuna.
“Ndërkaq, nesër kemi planifikuar që të vizitojmë komunën e Pejës, Mitrovicës e Istogut. Jemi të angazhuar që të marrim masa konkrete përmes investimeve në infrastrukturë, që të jemi më të gatshëm për të përballuar përmbytjet që me siguri do të vijnë edhe në të ardhmen. Ekipet kompetente të menaxhimit të emergjencave në bashkëpunim me komunat, që nga orët e hershme të mëngjesit do të jenë në terren për të reaguar për çdo rast të evidentuar”, ka shkruar Aliu./teve1.info/
