Kryetari i fshatit Pozheran të Vitisë është sulmuar nga disa persona të cilët janë kundërshtar të një partie tjetër.
Ai tashmë si pasojë e lëndimeve po merr trajtim mjekësor.
Ndërkohë, lidhur me rastin nënkryetari i Vitisë, Hasan Aliu, ka thënë se policia ka arrestuar dy të dyshuar për sulm ndaj tij.
“Momentalisht, sipas informacioneve që kam, policia i ka arrestuar dy sulmuesit dhe viktima është në trajtim në spitalin regjional të Gjilanit, ka rrjedhje të gjakut nga hunda, pra ai po trajtohet. Jemi në pritje të informacioneve më të reja dhe shpresoj që mos të jetë me pasoja më të mëdha”, tha ai në edicionin special “Kosova Voton”.
Aliu bëri thirrje qytetarëve të fshatit Pozheran për qetësi në mënyrë që procesi i votimit të ecë në rrjedha normale.
“Bëj thirrje që qytetarët e fshatit Pozhoran të mos e humbin durimin dhe mos të del situata jashtë kontrollit. Shpresojmë që procesi të ecë në suaza normale”, bëri apet nënkryetari i Vitisë.
Megjithatë sipas PK-së rasti nuk ka të bëjë me procesin zgjedhor.
Ismet Hashani, zëdhënës i Policisë së Kosovës për rajonin e Gjilanit për teve1.info ka thënë se motive e këtij sulmi ende nuk dihen.
“Sulmi nuk ka të bëjë me procesin zgjedhor, ka ndodhur jashtë vendvotimit motivet ende nuk dihen. Më rastin është duke u marrë prokurori”, ka thënë Hashani./teve1.info/
