Reprezentuesi i Maqedonisë së Veriut, shqiptari Ezgjan Alioski nuk u bë futbollist i Dinamo Zagrebit pasi transferimi i tij nuk u raportua në sistem për shkak të një problemi teknik.
Në ditën e fundit të afatit kalimtar në Kroaci, i cili përfundoi në mesnatën e 15 shkurtit, Alioski firmosi kontratë për një vit e gjysmë me Dinamon e Zagrebit.
Megjithatë, kontrata e nënshkruar nuk e raportua në sistemin e transferimeve për shkak të një gabimi në Arabinë Saudite. Shkaku i ndryshimit në zonat kohore, transferimi i Alioskit te Dinamo nuk u përfundua në kohën e duhur dhe për këtë arsye dështoi.
Dinamo kishte arritur marrëveshjen si me Alioskin ashtu edhe me ekipin e tij nga Arabia Saudite, Al-Ahli por procedura nuk arriti të përfundohet me kohë.
Për shkak të këtij dështimi, Alioski tani duhet të luaj me ekipin e dytë të Al-Ahlit. 32-vjeçari, i cili luan në krah, ka kontratë me ekipin saudit deri në verën e këtij viti.
Ai, gjithashtu karrierë ka bërë edhe te Fenerbahçe, Leeds Unitedi, Lugani e Schaffhauseni. Ka edhe 72 paraqitje dhe 12 gola të shënuar me Maqedoninë e Veriut.
