Aleanca ka përmbyllur fushatën zgjedhore me një tubim në sheshin “Xhorxh Bush” në Prishtinë.
Kryetari i Aleancës dhe kandidati për kryeministër, Ardian Gjini, para mbështetësve tha se synon një Kosovë ndryshe dhe bëri thirrje për ndryshim e mobilizim qytetar.
Ai u kërkoi të pranishmëve të mos dorëzohen dhe të vazhdojnë deri në realizimin e vizionit të tyre për vendin, duke theksuar nevojën për bashkim dhe për kthimin e shpresës së qytetarëve.
Gjini e përmbylli fjalimin me mesazhin: “Kosovë të duam përnjëmend, e jo për mashtrim”.
