Pasditen e së martës kjo terasë në njërën nga kafeteritë e qyteti të Klinës u rezervua nga Lëvizja Vetëvendosje
Anëtarët e kësaj partie po bëjnë planet se si do të ulen pjesëmarrësit.
Që gjithçka të shkojë mirë në takimin ku do ta merrte pjesë kryeministri në detyrë Albin Kurti të pranishëm ishin edhe pjesëtarë të Policisë së Kosovës
Banorët e Klinës filluan të tubohen ashtu siç ishte paralajmëruar takimi.
E me gjysmë orë vonesë, erdhi edhe kreu i Vetëvendosjes Albin Kurti i shoqëruar nga kandidati për kryetar të Klinës, Ramiz Rrusta.
Pasi u koordinuan me të parin e partisë, fjalën e mori kandidati i Vetëvendosjes për kryetar të Klinës.
“Ne nuk jemi duke e hapur sot fushatën në Klinë, fushatën një herë e kemi hapur por unë si kryetar komune besoj fuqishëm në përkrahjeje e juaj për Klinën që do ta qeverisim në katër vitet e ardhshme”, ka thënë Rrusta.
Kurse kryeministri në detyrë, Albin Kurti, para të pranishmëve shprehu mbështetjen e tij për Rrustën.
“Prej çerdheve për fëmijë, ujësjellësit e kanalizimit rregullimit të rrugëve e sidomos të trotuareve ….mund të llogarisni në Qeverinë e Republikës së Kosovës që do të bashkëpunojë ngushtë me Lëvizjen Vetëvendosje që do të fitojë zgjedhjet e me Ramiz Rrusten që do të jetë kryetar i ri”, ka thënë Kurti.
Para të pranishmëve foli edhe bartësja e listës së Lëvizjes Vetëvendosje në këtë qytet, Tetuta Mula, e cila premtoi mbështetje për gratë dhe vajzat e komunës së Klinës.
Nga Klina Kurti u mbajti takime edhe me qytetarët në Gjakovë e në Rahovec.
