Presidentja e vendit, Vjosa Osmani ka emëruar sot anëtarin e ri të Komisionit Qendror të Zgjedhjeve, Alban Krasniqi.
Sipas njoftimit, Krasniqi është emëruar konform propozimit të grupit parlamentar të Lëvizjes Vetëvendosje, përcjell teve1.info
“Në ceremoninë e betimit para Presidentes, anëtari i ri i KQZ-së deklaroi se do t`i kryej detyrat e tij në mënyrë të ndershme, besnike, të paanshme, profesionale dhe të ndërgjegjshme”, bëhet e ditur në njoftimin e Presidencës.
Javën e kaluar, nga Zyra për Media e LVV-së kanë bërë të ditur për teve1.info se ky propozim vie pas dorëheqjes në muajin e kaluar të Alim Ramës që përfaqësonte VV-në në KQZ. Rama kishte dhënë dorëheqje për shkak të pozitës që mbante në parti.
Krasniqi në zgjedhjet e fundit lokale ishte kandidat i LVV-së për kryetar të Malishevës. /Teve1.info/
