Shkruan: Adea Mustafaj
Brenda ambienteve të një diskoteke në Prishtinë, mbrëmë u lëshua një alarm për bombë.
Megjithatë, shpejtë u kuptua se alarmi ishte i rremë.
Kjo u zbulua, pasi diskotekën e kontrolloi detajisht Policia e Kosovës.
“Menjëherë pas pranimit të informacionit, njësitë e specializuara policore, përfshirë edhe njësia për menaxhimin e mjeteve shpërthyese si dhe njësiti K9 (qentë gjurmues), kanë dalë në vendin e ngjarjes dhe kanë ndërmarrë të gjitha veprimet e nevojshme. Pas evakuimit si dhe kontrollit të plotë të hapësirave nga njësitë përkatëse, është konstatuar se nuk ka asnjë mjet shpërthyes dhe se informata ka qenë e rrejshme. Rasti është referuar tek prokurori kompetent, dhe hetuesit policorë do të vazhdojnë procedurat hetimore për të sqaruar rrethanat dhe burimin e informacionit”, ka thwnw zwdhwnsi i PK-së, Agron Borovci
Pas orë pas ngjarjes, reagoi edhe vet menaxhmenti i këtij klubi të natës.
“Kjo nuk ishte gjë tjetër veçse propagandë dashakeqe, një përpjekje e ulët për të na njollosur dhe për të na ndalur”, thuhet në reagimin e tyre.
Për hetimet që janë duke u bërë për këtë rast, televizioni ka kontaktuar edhe Prokurorinë Themelore të Prishtinës, mirëpo ata nuk kanë kthyer përgjigje.
Mirëpo, ky nuk është incidenti i parë që shënohet në këtë diskotekë.
Alarmi i mbrëmshëm për mjet shpërthyes brenda këtij klubi,ndodhi vetëm dy ditë pasi brenda këtij lokali ndodhi një tjetër shpërthim, nga i cili fatmirësisht nuk ka pasur persona të lënduar”
Për këtë rast, deri më tani nuk është raportuar për ndonjë person të arrestuar.
Diskoteka e njëjtë ishte kapluar e tëra nga zjarri, edhe në shkurt të këtij viti.
Avokati Ardian Bajraktari, vevlerëson se organet e drejtësisë duhet të bëjnë hetime më të shpejta në raste të tilla.
“Natyrisht se do të duhej të trajtohet. E se sa trajtohen mbetet për tu parë, mirëpo është e rëndësishme që pavarsisht qëështë e rreme ose jo, informaten si të tillë organet duhet me e trajtu në mënyrë që me parandalu evetualisht ndonjë pasoj. Për faktin se nuk fillimisht kur vjen a është apo jo e rreme. E natyrisht kur konstatohet që e njejta ka qenë e rreme atëherë duhet të shikohen motivet që e kan shty personin me bo një paraqitje të tillë e natyrisht ndaj ti duhet të mirren masa në mënyrë që me u parandalu fenomenet e tilla”, vlerëson ai.
Televizioni gjatë gjithë ditës ka qenë në kontakt me personat përgjegjës të kësaj diskotike, mirëpo ata nuk kanë pranuar të flasin.
