Dy alarme për bombë janë raportuar këtë të diel, në dy qendra tregtare në Shkup të Maqedonisë së Veriut.
Sipas mediave të këtij shteti, kërcënimi ka shkuar në emailin e Ministrisë së Punëve të Brendshme, përmes një mesazhi.
Më pas, kjo ministri ka dhënë detaje, duke thënë se ekipet janë vendin e ngjarjes.
“Sot (19.04.2026) në adresën e email-it të Ministrisë së Punëve të Brendshme është pranuar një mesazh me kërcënim se në qendrat tregtare “East Gate” dhe “Diamond” në Shkup janë vendosur pajisje shpërthyese. Zyrtarët policorë po marrin masa dhe po kryejnë kontrolle në qendrat tregtare”, thuhet në njoftimin e Policisë së Maqedonisë së Veriut.
