Policia e Kosovës ka bërë të ditur se rreth orës 19:30 është pranuar informata për dyshimet që ndërlidhen me një shpërthim të mundshëm në Kompleksin e Universitetit “Hasan Prishtina” në Prishtinë.
Lajmin për teve1.info e ka konfirmuar zëdhënësja e Policisë për rajonin e Prishtinës, Flora Ahmeti.
“Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka thënë ajo.
Ahmeti ka bërë të ditur se pas kontrollit të detajuar nga njësitë e specializuara informata ka realizuar të jetë rrejshme.
“Pas ndërmarrjes së të gjitha veprimeve të nevojshme operative si dhe kontrollit të detajuar të hapësirës së caktuar nga ana e njësive të specializuara për menaxhimin me mjetet shpërthyese, informata ka rezultuar të jetë e rrejshme, andaj me urdhër të prokurorit është iniciuar rast Lajmërim apo kallëzim i rremë”, ka thënë Ahmeti.
Në ambientet e UP-së përkatësisht në Bibliotekën Kombëtare po mbahej koncerti i Ramë Lahaj, i cili ishte ndërprerë nga policia.
Koncerti më pas ka vazhduar.
Aktivisti Rron Gjinovci ka treguar në një status në Facebook se koncerti ka vazhduar, derisa ka ndarë edhe detaje nga shfaqja.
“Kërcënim me bombë! Rikthimi në sallë mas kontrollës së policisë, Ramë Rame Lahaj për me i mbështet emocionalisht kolegët e tij Erika Grimaldi, Leonardo Caimi dhe Menan Bërveniku, u ngjit nê skenë me nji befasi”, shkroi ai.
ë Kosovë dhe disa vende tjera të rajonit muajt e fundit ka pasur disa raste për bombë të vendosura në vendet publike, por të cilat kanë rezultuar të rreme./teve1.info/
