Skuadra nga Arabia Saudite, Al-Nassr nuk po heq dorë nga transferimi i mesfushorit Casemiro gjatë këtij muaji. “Daily Mail” shkruan të mërkurën se ekipi saudit i ka bërë ofertë të re Unitedit për brazilianin, me rekomandimin e Cristiano Ronaldos.
Thuhet se ekip saudit ka ofruar 60 milionë euro për Casemiron, i cili është i gatshëm të largohet nga ekipi anglez.
31-vjeçari është njëri prej lojtarëve më të paguar tek Unitedi, ndërsa këtë edicion ka shënuar katër gola dhe ka bërë një asistim në 12 paraqitje. Ai ka kontratë deri në vitin 2026 me ekipin anglez, të cilit iu bashkua në verën e vitit 2022 nga Real Madridi.
