Klubi nga Arabia Saudite, Al-Hilal ka vendosur të intensifikojë negociatat në përpjekje për ta transferuar Victor Osimhenin nga Napoli.
Drejtuesit sauditë, pasi kanë biseduar me sulmuesin nigerian, i kanë dërguar në orët e fundit Napolit dy oferta, prej 120 dhe 140 milionë eurosh. Dy propozime të refuzuara nga italianët të cilët presin një shumë edhe më të lartë për t’u dorëzuar, raporton lequipe.
Në të njëjtën kohë, napolitanët vazhdojnë të shpresojnë se ish-lojtari i Lille do të vazhdojë kontratën. Al-Hilal nuk do të ndalet me kaq dhe pritet të dërgojë një ofertë të re.
